Plantun de Prouvènço

Pèr coumpara dos planto d'encò nostre

Viola calcarata & Myosotis laxa

Pansé

Viola calcarata

Violaceae

Àutri noum : Pensèio, Pensado, Flour-de-la-ternita.

Nom en français : Pensée des Alpes.

Descripcioun :
Aquesto poulido pansé (J.-L. Domenge in LMT, op.cit. p. 60 ) trachis en coulounìo dins li pelouso e bos de mountagno. Fai de flour de mant'uno coulour, en mescladisso, blanco, vióuleto o pourpro. I'a toujour de jauno à la gorjo de la petalo d'en bas emé de rais vióulet. L'esperoun fai souvènt mai d'un cm.

Usanço :
La pansé se culis "dins lou germas", Ibid. à la primo. Emé li flour se fai de tisano contro lou cop de fre.

Port : Erbo
Taio : 5 à 20 cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Viola
Famiho : Violaceae

Ordre : Malpighiales

Coulour de la flour : Blanco Jauno
Petalo : irreguliero
Ø (o loungour) flour : 10 à 25 mm
Flourido : Printèms - Estiéu

Sòu : Ca (Si)
Autour basso e auto : 800 à 2800 m
Aparado : Noun
Mai à juliet

Liò : Pelouso - Bos clar - Champino
Estànci : Mountagnard à Aupen
Couroulougi : Ouroufito-Aupenco
Ref. sc. : Viola calcarata L., 1753

Te-vese-e-t'ame(-fourro-bourro)

Myosotis laxa

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis gazonnant.

Descripcioun :
Aquéu te-vese-e-t'ame, pulèu rare, trachis en ribo de ribiero, dins li prado umido e li roubino de palun. Emé si péu contro li sepalo se destrìo dis aùtri Myosotis di flour pas trop grosso. Tambèn, i'a ges de bratèio dins l'enflourejado e lou "calice" crèis proun après la flourido.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").